FABLES CAUSIDES

DE LA FONTAINE

LIBI PREMÉ

FABLE PREMÉIRE

Le Cigale é I'Arroumits.

Au pignada de Capbretoun,

Le cigale, ab le sou cansoun,

Tout l'estìou le yén ichourbibe :

Cependén le saye arroumits

Dous pés, de les déns é dous dits,

Que s'amassabe de que bibe.

Plan sabé que tout ço qui bìou

Que minye l'iber com l'estìou.

Atau ne resoune ibe auyole.

Le cigale dounc fort mé hole,

Dés qui lou téms s'ére arredit,

Qu'es cache, que gagne ent'ou nid,

Arrei n'y trobe à le penénte :

Labets de courre à le balénte.

Amigue, oubrits. ? Que demandats ?

? Quocause à minya, si bous plats.

Quén bira le sesoun nabére,

Hidats-bous à you, ma coumére,

Qu'eb pagueréi, fe d'animau,

L'interés é lou capitau.

L'arroumits tustém estou chiche,

P'ous auts com per ere-mediche :

Eh, qu'abets héit l'estìou passat,

S'ou dits à l'aute per arride ?

? Ço qui-éi héit, besi ? qu'éi cantat.

? Cantat ! fort plan, qu'en soun rabide :

Que poudets dounc are dansa ;

Més qu'en passerats de minya.

Le praube cigale counfuse

S'en tourne en case fort camuse.

Mantr'un fenian, mé d'un penail

Qu'es pot bede en deques mirail.

******

Lou Renard é lous Arresims

Bouns oubrés n'an tustém besougne.
Un certén renard de Gascougne,
Biarnes beilléou, beilléou nourman ;
Aco n'importe ; lou truhan
Anat ére en pelerinatye,
Ou, si boulets, en garrouatye.
Qu'abé bét courre, en nade part
Ne troubabe un boucin de lard.
D'apetit per'co ne manquabe.
Lou fourban, un your com passabe
Prés d'ibe treille de muscats,
Luséns, madus, haut pendrillats,
Coundan de s'en freta le gaute,
Llébe lou cap, saute, ressaute.
Bin cops qu'es passe lou garrhus
Un bét pam de léncou p'ou mus :
Aigues lou binén à le bouque.
Chis pàs de piocs ab ibe clouque
Ne l'auren héit mé de plési ;
Tan n'y-abé de béts à causi.
Que s'estire, é pren l'abiade.
B'et-y deréi quoque dentade,
Ou b'y perderéi moun latin !
Hep ! tan que sauta, qu'à le fin
Las ére fort. Tan mé sautabe,
Tart mé dous muscats reculabe.
Tant-y-a que lou praube ahamiat,
Las, afflaquit, yuste crebat,
Que soun trop berds, s'ous boute à dise ;
N'éi qu'aha de tau marchandise.
Que les gouyes é lous bailets
S'ous minyin ; qu'es biande per ets.
Atau fort soubén ibe buse,
Com lou renard, qu'es desencuse ;
É quén ne sab oun se gaha,
N'es pas, s'ou dits, lou mei aha.